ઉંબરો છોડી દ્વારમાં બેઠા;
મૃત્યુના ઈન્તેજારમાં બેઠા.
સાંજે બેઠા, સવારમાં બેઠા,
માત્ર તારા વિચારમાં બેઠા.
તોય અકબંધ મારી એકલતા,
જઈ ભલેને હજારમાં બેઠા
જગમાં આવ્યા તો એમ લાગ્યું કે
જાણે એક, કારાગારમાં બેઠા !
જેને મળવું હશે મળી લેશે,
આ અમે તો બજારમાં બેઠા !
સાદ પડશે અને ઊઠી જઈશું,
ક્ષણની પણ આરપારમાં બેઠા.
એક આછા ઉજાશની આશા
લઇ અમે અંધકારમાં બેઠા.
Redmi Note 13 Pro+ (Fusion White, 8GB RAM, 256GB Storage)
| World’s first Mediatek 7200 Ultra 5G | 200MP Hi-Res Camera | 1.5K Curved AMOLED | 120W HyperCharge