જીવરાજ હોજી

હે જી મરણાસન્ન પોઢ્યા રે જીવરાજ હોજી

શૂન્નસપાટે તાલવરન્ધર રાજ થયાં તારાજ હોજી

જળ નદિયુંનાં થંભી થંભી થયાં તળાવનાં પાણી

શ્વાસ અગનની ચિતા બન્યા રે જેમ તત્વની વાણી

તળાવદાદુર બજવે મૌન પખવાજ

હે જી મરણાસન્ન પોઢ્યા રે જીવરાજ હોજી

ઝાકળ મેલી સૂરજ વસ્તર પ્હેર્યાં ,ઓઢ્યાં રે અંબર

અવકાશાંએ એ પર ઢોળ્યાં અગમ નિગમનાં ચમ્મર

અનહદ શૂનહદ ફેલ્યાં રે શૂનસાજ

હે જી મરણાસન્ન પોઢ્યા રે જીવરાજ હો જી

જયેન્દ્ર શેખડીવાલા

Download our new application for Hindi Poetry

https://play.google.com/store/apps/details?id=com.sufalamtech.hindipoem

उस के होंटों पे